ಕರ್ನಾಟಕ ಕುರಿ ಮತ್ತು ಉಣ್ಣೆ ಅಭಿವೃದ್ಧಿ ನಿಗಮ ನಿಯಮಿತ

​​​​

ಬಂಡೂ​ರು ತಳಿ

• ಇವು ಮಂಡ್ಯ, ಮೈಸೂರು ಚಾಮರಾಜನಗರ, ಬೆಂಗಳೂರು, ಕೋಲಾರ, ತುಮಕೂರು ಜಿಲ್ಲೆಯ ಭಾಗಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.
• ಈ ತಳಿಯ ಮೂಲ ಸ್ಥಳ ಮಂಡ್ಯ ಜಿಲ್ಲೆಯ ಮಳವಳ್ಳಿ, ತಾಲ್ಲೂಕಿನ ಬಂಡೂರು ಎಂಬ ಗ್ರಾಮವಾಗಿದ್ದು ಈ ತಳಿಗೆ "ಬಂಡೂರು ತಳಿ" ಎಂತಲು ಕರೆಯುತ್ತಾರೆ.
• ಈ ತಳಿಯ ಮಾಂಸ ಉತ್ಕೃಷ್ಟವಾಗಿದ್ದು, ಮಾಂಸದ ಎಳೆಗಳ ನಡುವಿನ ಕೊಬ್ಬು ಶೇಖರಣೆಯಿಂದಾಗಿ ಮಾಂಸವು ರಸಭರಿತ ಹಾಗೂ ಸುವಾಸನೆ ಗುಣ ಹೊಂದಿದೆ.
• ಈ ತಳಿಯು ಗಡುಸಾದ ಕತ್ತು, ಕತ್ತಿನ ಕೆಳಗೆ ಎರಡು ಕೂದಲಿನಿಂದ ಕೂಡಿದ ಎರಡು ಕೊರಳು ಮೊಲೆಗಳು (ವ್ಯಾಟಲ್ಸ್) ನೇತಾಡುತ್ತಿದ್ದು ವಿಶಾಲವಾದ ಎದೆಯಿಂದ ಕೂಡಿದೆ. ಕೆಲವೊಮ್ಮೆ ಕಂದುಬಣ್ಣದ ಮಚ್ಚೆಯು ಮುಖದಿಂದ ಕತ್ತು ಮತ್ತು ಭುಜದವರೆಗೆ ಹರಡಿರುತ್ತದೆ.
• ಕಿವಿಯು ಎಲೆಯಾಕಾರದಲ್ಲಿದ್ದು ಜೋತಾಡುತ್ತಿರುತ್ತದೆ. ಮೊಟಕು ಬಾಲ ಹಾಗೂ ತುಂಡು ಕಾಲುಗಳು ಈ ತಳಿಯ ವಿಶೇಷ ಗುಣಗಳು.
• ಈ ತಳಿಯ ಹೆಣ್ಣು ಕುರಿಗಳು 30-35 ಕಿ.ಗ್ರಾಂ ಹಾಗೂ ಗಂಡು ಕುರಿಗಳು 30-45 ಕಿ.ಗ್ರಾಂ ತೂಗುವುದುಂಟು. ಕೆಲವು ಟಗರುಗಳು 60 ಕಿ.ಗ್ರಾಂ ವರೆಗೂ ತೂಗಿದ ಉದಾಹರಣೆಗಳುಂಟು.