ಮೂಲ ಉದ್ದೇಶ​​​​​​​​​

ರಾಜ್ಯದಲ್ಲಿನ ಪರಿಶಿಷ್ಟ ಪಂಗಡದವರ ಸಮಗ್ರ ಅಭಿವೃದ್ಧಿಯ ದೃಷ್ಠಿಯಿಂದ ರಾಜ್ಯ ಸರ್ಕಾರವು ಆದೇಶ ಸಂಖ್ಯೆ: ಸಕಇ 65 ಎಸ್‍ಡಿಸಿ 04 ದಿನಾಂಕ:27.05.2006ರ ಆದೇಶದಲ್ಲಿ ನಿಗಮವನ್ನು ಸ್ಥಾಪಿಸಿದ್ದು,  ಈ ನಿಗಮವು ದಿನಾಂಕ:26.07.2006 ರಂದು ಕಂಪೆನಿಗಳ ಕಾಯ್ದೆ 1956 ರಡಿ ನೊಂದಾಯಿತಗೊಂಡು ದಿನಾಂಕ:22.02.2007 ರಿಂದ ಕಾರ್ಯ ನಿರ್ವಹಿಸುತ್ತಿದೆ. ರಾಜ್ಯ ಸರ್ಕಾರವು ಆದೇಶ ಸಂಖ್ಯೆ: ಸಕಇ 36 ಎಸ್‍ಡಿಸಿ 2013, ದಿನಾಂಕ:08.03.2013 ರಲ್ಲಿ ನಿಗಮವನ್ನು ಕರ್ನಾಟಕ ಮಹರ್ಷಿ ವಾಲ್ಮೀಕಿ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ನಿಗಮವೆಂದು ಮರು ನಾಮಕರಣ ಮಾಡಿರುತ್ತದೆ.

ರಾಜ್ಯದಲ್ಲಿನ ಪರಿಶಿಷ್ಟ ಪಂಗಡದವರ ಆರ್ಥಿಕ ಅಭಿವೃದ್ಧಿಗಾಗಿ ವಿವಿಧ ಯೋಜನೆಗಳನ್ನು ಅನುಷ್ಟಾನಗೊಳಿಸುವ ಮೂಲಕ ಅವರುಗಳನ್ನು ಲಾಭದಾಯಕ ಸ್ವಯಂ ಉದ್ಯೋಗ/ಕೃಷಿ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳಲು ಉತ್ತೇಜಿಸಿ, ಆ ಮೂಲಕ ಅವರುಗಳು ಆರ್ಥಿಕವಾಗಿ ಸಧೃಡರನ್ನಾಗಿಸುವುದು ನಿಗಮದ ದ್ಯೇಯೋದ್ದೇಶವಾಗಿರುತ್ತದೆ.